Azərbaycan Respublikası Prezidentinin 2011-ci il 07 iyul tarixli 1621 nömrəli Sərəncamı ilə təsdiq edilmiş “Azərbaycan gəncliyi 2011–2015-ci illərdə” Dövlət Proqramının 6.5.5-ci yarımbəndinə əsasən 2012-ci ildən etibarən Bakı şəhəri istisna olmaqla hər il ölkənin bir rayon və ya şəhəri müsabiqə əsasında “Gənclər Paytaxtı”seçilir.

Qaydalara əsasən “Gənclər paytaxtı” seçiləcək rayonda (şəhərdə) müvafiq hazırlıq işlərinin həyata keçirilməsini təmin etmək məqsədilə namizədlik üçün 2 il öncədən müraciət olunması, sərhəd olan iki rayon və ya şəhərə dual-paytaxt kimi namizədliyinin irəli sürülməsi imkanının yaradılması və seçimin Nazirliyin Kollegiya iclasında aparılması qərara alınıb.

“Gənclər paytaxtı” layihəsinin həyata keçirilməsində əsas məqsəd paytaxt seçilmiş rayon və ya şəhərlərdə gənclər işinə xüsusi diqqətin artırılması, yerli səviyyədə gənclərlə işin daha da gücləndirilməsi və gənclər siyasətinin inkişafına töhfə verilməsidir.

2023-cü il dekabrın 7-də Gənclər və İdman Nazirliyi Kollegiya iclasında 2024-2025-ci illər üçün idman paytaxtlarının və 2025-ci il üçün gənclər paytaxtının seçimi aparılıb.

Kollegiyanın qərarı ilə Sumqayıt şəhəri 2025-ci il üçün “Gənclər Paytaxtı” seçilib.