• 10 May 2024 12:39

Lənkəranda Ümummilli Lider Heydər Əliyevin anadan olmasının 101-ci ildönümünə həsr olunmuş rəsm əsərləri və fotoşəkillərdən ibarət sərgi keçirilib

Ümummilli Lider Heydər Əliyevin anadan olmasının 101 illiyinə həsr edilən rəsm əsərləri və fotoşəkillərdən ibarət sərgi nümayiş etdirilib.

Lənkəranda Ümummilli Lider Heydər Əliyevin anadan olmasının 101-ci ildönümünə həsr olunmuş rəsm əsərləri və fotoşəkillərdən ibarət sərgi keçirilib.
10 may 2024-cü il tarixdə Lənkəran şəhər Heydər Əliyev Xatirə Parkında Lənkəran-Astara Regional Gənclər və İdman İdarəsi və Lənkəran-Astara Regional Mədəniyyət İdarəsinin birgə təşkilatçılığı ilə Ümummilli Lider Heydər Əliyevin anadan olmasının 101 illiyinə həsr edilən rəsm əsərləri və fotoşəkillərdən ibarət sərgi nümayiş etdirilib.
Sərgidə Lənkəran-Astara Regional Gənclər və İdman İdarəsinin rəisi Teymur Babazadə və Lənkəran-Astara Regional Mədəniyyət İdarəsinin rəisi Bəxtiyar Qılıncov, idmançılar, gənclər və ictimaiyyət nümayəndələri iştirak ediblər. 
Lənkəran Uşaq Rəssamlıq Məktəbinin və “ZZ Art Center” rəsm kursunun gənc rəssamlarının işlərinin nümayiş etdirildiyi sərgidə Ulu Öndərin ömür yolunu, eyni zamanda onun Azərbaycanda mədəniyyət, incəsənət və memarlığın inkişafı ilə bağlı fəaliyyətini əks etdirən fotoşəkillər sərgilənib.
Tədbir böyüməkdə olan gənc nəslin Ümummilli Lider Heydər Əliyevin əsasını qoyduğu azərbaycançılıq ideologiyasına sadiq ruhda tərbiyə olunması və vətənpərvərlik hissinin yüksəldilməsi məqsədi daşıyır.
Tədbirin sonunda sərgidə fərqlənən yeniyetmə və gənc rəssamlar Lənkəran-Astara Regional Gənclər və İdman İdarəsinin, eyni zamanda Lənkəran-Astara Regional Mədəniyyət İdarəsinin diplomları və təşəkkürnamələri ilə təltif ediliblər.